Մեկ ազգ դաշինքի համանախագահ Գոռ Թամազյանն այսօր լրագրողների հետ հանդիպմանը նշեց,որ աղանդավորների հետ կապված խնդիրը իրենց կառույցների ոչ թափանցիկ լինելն է:
«Չկա հստակ պատկերացում նրանց թվի մասին: Կրոնական ուղղվածությամբ կազմակերպությունները չպետք է ֆինանավորվեն դրսից,այլ իրենց գործունեությունը կազմակերպեն իրենց սեփական ներուժով»,-նշեց նա:
Անդրադառնալով Եհովայի վկաների գործունեության`բանախոսը տարակուսանք հայտնեց,թե մենք ինչո՞ւ պետք է մեր 1700-ամյա եկեղեցին մերժենք և գնանք ինչ-որ 50 տարվա կրոնական կազմակերպությունների հետևից,որի ղեկավարը նստած է Նյու-Յորքի ինչ-որ շենքում:
«Մենք պատերազմող երկիր ենք,և այդ պայմաններում երկրում գործում են ապակառուցողական ուժեր: Դրանցից են Եհովայի վկաները: Մենք չպետք է տայինք նրանց գրանցում 2004 թ.ին: Դա մեր գործիչների սխալ մոտեցման արդյունք է: Եհովայի վկաների տասնինը հոգու դատավարությունը ուղղված էր մեր պետության դեմ: Պետք է վերանայվի այլընտրանքային ծառայության մասին օրենքը: Իրենք իրենց բարձր են դասում մյուսներից՝ չծառայելով բանակում և պետության համար ոչինչ չանելով»,-նշեց նա:
Գոռ Թամազյանն ասաց,որ Եհովայի վկաների գաղափարախոսությունն անմարդկային է.«Հարցին`եթե Եհովայի վկայի կնոջը թուրքը բռնաբարի,ինքը ինչ կանի,նա ասում է,որ Եհովան կմիջամտի: Այդ դեպքում նրանք աչքի են ընկնում ինքնասիրության բացակայությամբ,որը մեր ազգին պետք չէ: Նրանք դեմ են նույնիսկ իրենց երեխային արյուն տալուն»:
http://www.haynews.am/hy/1354960848
ԱԺ պատգամավորները չպետք է աշխատավարձ ստանան, քանի որ գրեթե բոլորը մոտ են միլիոնատեր դառնալուն. Գոռ Թամազյան
08 Դեկտեմբերի 2012 - 14:08
«Մենք ոչ մի ընտրություններում չենք սատարել այս կամ այն ուժին և չենք սատարի նաև այս դեպքում»,- այս մասին լրագրողների հետ հանդիպմանը ասաց «Մեկ ազգ» դաշինք համանախագահ Գոռ Թամազյանը:
Չնայած դրան` նա ասաց, որ դեմ են արևմտամետ ուժերին` Լևոն Տեր-Պետրոսյանին և Րաֆֆի Հովհաննիսյանին. «Լեւոն Տեր-Պետրոսյանը հայտարարել է, որ ազգային գաղափարախոությունը կեղծ կատեգորիա է: Դա այն դեպքում, երբ նա դարձավ առաջին նախագահ ազգային զարթոնքի շնորհիվ: Իսկ բնապահան Բայանդուրը, լինելով սատանիստ, սատարում էր Ստյոպա Սաֆարյանին, ով էլ Րաֆֆի Հովհաննիսյանի կուսակցությունից է»:
Այս ամենից ելնելով` Գոռ Թամազյանը տեղեկացրեց, որ իրականացնելու են հակաքարոզչություն` Լևոն Տեր-Պետրոսյանի և Րաֆֆի Հովհաննիսյանի դեմ։
Խոսելով նախագահական ընտրություններում առաջադրվող կին թեկնածուների մասին` «Մեկ ազգ» դաշինք համանախագահն ասաց. «Մշակույթի նախարարի կին լինելն ընդունում եմ, սակայն կին նախագահ չեմ ընտրի»:
Նա անդրադառձավ նաեւ ԱԺ պատգամավորների աշխատավարձերին. «Գտնում եմ, որ ԱԺ պատգամավորները չպետք է աշխատավարձ ստանան, քանի որ գրեթե բոլորը մոտ են միլիոնատեր դառնալուն»:
http://www.haynews.am/hy/1354961472
Իսկ որոշ կայքերի խորհուրդ կտանք,այսօրվա հարցազրույցը Գոռ Թամազյանի ճիշտ մեկնաբանել ու ճիշտ վերնագրել և ոչ թե ձեր մտքի իմպրովիզացիաներով ու ձեր մանր շահերով... Մեկ ազգ կազմակերպությունների դաշինք
